In samestellings met "bruid" as eerste stam word die verbindings-"s" gebruik, byvoorbeeld "bruidsprys", "bruidsmotor" en "bruidsrok". Wanneer die tweede stam met 'n "s" begin, word slegs een "s" geskryf, byvoorbeeld "bruidskat".
Sien ook die bladsy Verbindingsklanke.

Wanneer twee vokale langs mekaar tot twee verskillende lettergrepe behoort, kry die tweede vokaal ʼn deelteken. Dit geld egter nie wanneer ’n “a” of ’n “o” voorafgegaan word deur ’n “a”, “o”, “e”, “u” of “i” nie, byvoorbeeld “reaksietyd”, “geolie” en “aktuaris”. Dit geld ook nie vir samestellings nie, byvoorbeeld “studie-eenheid” en “toe-eien”.
Sien ook die bladsy Deelteken.

Die idioom "'n leë kantien maak baie geraas", beteken die luidrugtigste mense het gewoonlik nie die meeste verstand nie. 'n Variasie op die idioom is "leë blikke maak die meeste geraas".
(Bron: HAT)
Sien ook die bladsy Idiome, spreuke en spreekwoorde.

Wanneer titels in die middel van 'n sin gebruik word, word dit met kleinletters geskryf.
Sien ook die bladsy Aanspreekvorme.