Die woord "palimpses" word in Afrikaans, anders as Engels en Nederlands, sonder 'n slot-t geskryf. 'n "Palimpses" is 'n perkamentrol wat, nadat die oorspronklike skrif afgekrap of onsigbaar gemaak is, weer opnuut vol geskryf is.
(Bron: HAT)

Sien ook die bladsy Twyfelwoorde (mits vs tensy).

'n "Jan Kalbas" is 'n sukkelaar.
'n "Jan Laventel" is 'n opgetooide, spoggerige, aantreklike kêrel.
'n "Jan Pampoen" is 'n niksbeduidende vent, 'n stommerik.
'n "Jan Salie" is 'n papbroek.
Sien ook die bladsy Idiome, spreuke en spreekwoorde.

In komplekse samestellings word die dele met koppeltekens geskei. Daar sou ook 'n koppelteken geskryf kan word tussen "keel" en "spesialis", maar dit is nie verpligtend nie.
Sien ook die bladsy Koppeltekens.

'n Attributiewe adjektief staan gewoonlik voor die selfstandige naamwoord wat dit beskryf, byvoorbeeld “'n finale episode”. 'n Predikatiewe adjektief staan gewoonlik na 'n koppelwerkwoord, byvoorbeeld "die uitspraak is finaal".
Sien ook die bladsy Woordsoorte.