In ’n sin met ’n voorwerp is die werkwoord oorganklik, byvoorbeeld: Sprinkel 'n bietjie sout oor die vleis. ’n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik.
Sien ook die bladsy Woordsoorte.

Samestellende afleidings word vas geskryf en bestaan uit ʼn agtervoegsel (“-s”) wat ʼn woordgroep (“heel en huid”) saambind.
Sien ook die bladsy Samestellende afleidings.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “gerieflik”, die vergrotende trap, byvoorbeeld “geriefliker” en die oortreffende trap, byvoorbeeld “die gerieflikste”.
Sien ook die bladsy Trappe van vergelyking.

Die idioom "'n goeie begin is halfpad gewin", beteken 'as 'n mens fluks begin, kom die werk gou klaar'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.