Sinonieme is verskillende woorde wat min of meer dieselfde betekenis het. Die woord "tiroïed" is afkomstig van die Grieks "thureos", wat 'skild' beteken, en "eidos", wat 'vorm' beteken.
Sien ook die bladsy Sinonieme.

Die idioom "goedkoop ink is beter as 'n duur boodskap" beteken ''n skriftelike boodskap word nie so maklik verkeerd verstaan as 'n mondelinge boodskap nie'.
(Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

Byvoeglike naamwoorde (soos “oop” of “warm”) word gewoonlik los van selfstandige naamwoorde (soos “skool” of “kos”) geskryf. Wanneer betekenisverdigting egter plaasgevind het (dit wil sê as die begrip ʼn spesifieke betekenis kry), vorm die twee begrippe ʼn eenheid en word hulle vas geskryf. Volgens die 2017-AWS kan 'n mens egter "opedag" of "ope dag" skryf.
Sien ook die bladsy Betekenisverdigting.

'n Skakelwerkwoord skakel 'n hulpwerkwoord en hoofwerkwoord aan mekaar, byvoorbeeld:
Ek sal jou môreoggend sesuur "kom" oplaai.
Hy sal "probeer" om sy pap te eet.
Sy wou hom "help" om groente te kweek.


Sien ook die bladsy Woordsoorte.