Die leenuitdrukking "alma mater" beteken 'instelling waar jy studeer het'. Die woord "alma" beteken 'voedend', terwyl "mater" na "moeder" verwys; jou "alma mater" is dus letterlik die moeder wat jou opgevoed het. (Bron: Etymonline)

Sien ook die bladsy Vreemde woorde.

Sommige byvoeglike naamwoorde wat voor ʼn selfstandige naamwoord staan ("arbitrêr"), kry ʼn "-e" (attributiewe "-e") agteraan.
Sien ook die bladsy Attributiewe -e.

Die name van geldeenhede begin met 'n kleinletter. Die AWS erken die meervoudsvorm van "euro" as beide "euro" en "euro's". Onthou dat woorde wat op 'n o eindig, in die meervoudsvorm 'n afkappings-s kry.
Sien ook die bladsy Slegs kleinletter.

’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, “vastrap - die vastrap – vastrappe”.
Sien ook die bladsy Woordsoorte.