25 MRT (klik op 'n pyltjie om na 'n ander datum te blaai)
Die deelnemers op vlak 2 het die toets van 25-03-2024 só ingevul:
Die polisie vuur ʼn sarsie skote oor die koppe van die oproerige skare. Onder watter subkategorie van die betrokke woordsoort val "sarsie" in bostaande sin?
'n Versamelnaam is ’n selfstandige naamwoord wat ’n versameling dinge van dieselfde soort aandui. 'n "Sarsie" is die naam van 'n groep skote in die geval.
Sien ook die bladsy Woordsoorte.
Die brief was verseël met die koning se ........ .
seël-ring seëlring
seël ring
seelring
ʼn Samestelling (“seëlring”) is ʼn woord wat uit twee of meer woorddele (“seël” en “ring”) bestaan. Samestellings moet vas geskryf word.
Sien ook die bladsy Samestellings.
Dit is ʼn ........ weiering van ʼn vriendelike versoek.
bot of botte
slegs bot
slegs botte
Sommige byvoeglike naamwoorde wat voor ʼn selfstandige naamwoord staan, kry ʼn "-e" (attributiewe "-e") agteraan. In hierdie geval is die "-te" opsioneel. Die konsonant word verdubbel om die klank kort te hou.
Sien ook die bladsy Attributiewe -e.
Idioom: Die beste ........ staan aan wal.
offisier
matroos
kaptein stuurman
Die idioom "die beste stuurman staan aan wal" beteken 'dit is maklik om ander te kritiseer as jy nie in hulle posisie is nie'. (Bron Spreekwoorde - Anton Prinsloo)
Sien ook die bladsy Idiome, spreuke en spreekwoorde.
Verduideliking van die kleure en simbole:
die korrekte antwoord (deur jou gekies)
die korrekte antwoord (nie deur jou gekies nie)
'n verkeerde antwoord (deur jou gekies)
'n verkeerde antwoord (nie deur jou gekies nie)