17 NOV (klik op 'n pyltjie om na 'n ander datum te blaai)
Die deelnemers op vlak 1 het die toets van 17-11-2026 só ingevul:
Die geknakte riet hang in die water. Wat is die woordsoort van "riet" in bostaande sin?
byvoeglike naamwoord selfstandige naamwoord bywoord werkwoord
’n Selfstandige naamwoord verwys na ’n persoon, plek of saak. ’n Mens kan dit gewoonlik uitken deurdat ’n mens ’n lidwoord (“’n” of “die”) voor die woord kan sit en dat dit 'n meervoudsvorm het. Byvoorbeeld, “riet - die riet – riete”.
Sien ook die bladsy Woordsoorte.
As jy nie die ........ ken nie, sal jy nie op die rekenaar kan aanmeld nie.
waag woord wag woord wagwoord waagwoord
ʼn Samestelling ("wagwoord") is ʼn woord wat uit twee of meer woorddele ("wag" en "woord") bestaan. Samestellings moet vas geskryf word.
Sien ook die bladsy Samestellings.
Tydens die ........ het talle mense gesterf.
Eerste Wêreldoorlog eerste wêreld oorlog Eerstewêreldoorlog eerste wêreldoorlog
Die name van belangrike historiese gebeure ("Eerste Wêreldoorlog") word met hoofletters gespel (AWS 9.9).
Sien ook die bladsy Slegs hoofletter.
Idioom: Ek kan hoor hoe my ma saans kreun as my pa ........ saag!
vloere planke hout balke
Die idioom om "balke te saag" as jy slaap, beteken jy 'snork'! (Meesal tot jou bedmaat se ergernis!) (Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.
Verduideliking van die kleure en simbole: die korrekte antwoord (deur jou gekies) die korrekte antwoord (nie deur jou gekies nie) 'n verkeerde antwoord (deur jou gekies) 'n verkeerde antwoord (nie deur jou gekies nie)