Die woorddeel "reuse-" is nie 'n byvoeglike naamwoord nie, maar eerder 'n woorddeel van 'n selfstandige naamwoord. Om dit te bewys kan ons sien dat "reuse-" nie die toets van 'n byvoeglike naamwoord slaag nie in die sin dat dit nie ná 'n koppelwerkwoord kan staan nie. Byvoorbeeld, 'n mens kan nie sê die fout is "reuse" nie. Dit het ook nie trappe van vergelyking nie.

Sien ook die bladsy Woordsoorte.

In 'n sin met 'n voorwerp is die werkwoord oorganklik, byvoorbeeld: Sluit asseblief die voordeur. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik, byvoorbeeld: Sluit dig voor jy gaan slaap. 'n Mens kan dit maklik vasstel as daar 'n antwoord op die vraag "Hoe?" na die werkwoord is.
Sien ook die bladsy Woordsoorte.

ʼn Versameling indringerplante word ʼn "kolonie" genoem. (Bron: WAT)

Sien ook die bladsy Versamelname.

Die tweede grootste meer in Wes-Europa is die Bodenmeer (https://af.wikipedia.org/wiki/Bodenmeer). In Duits is dit "Bodensee" en in Engels "Lake Constance".
Sien ook die bladsy Plekname.