As 'n opeenhoping van dieselfde of verskillende vokaalletters tussen dele van samestellings meebring dat die woord verkeerd gelees kan word, word 'n koppelteken tussen die dele geplaas.
Sien ook die bladsy Vokaalopeenhoping.

Byvoeglike naamwoorde wat net uit een lettergreep bestaan, kry gewoonlik nie die "-e" in die attributiewe posisie nie. Wanneer dit wél verbuig word, het dit dikwels 'n figuurlike betekenis. Byvoorbeeld:
"Maudie is 'n soet dogtertjie" teenoor "Ek dra net soete herinneringe van jou in my hart."
Sien ook die bladsy Attributiewe -e.

Die skrywer S.J. Naudé het ook in 2019 die prys gewen vir sy boek "Die derde spoel". Ná sy bedankingstoespraak het hy een van die lede van die Akademie vir Wetenskap en Kuns, wat die prys uitdeel, Hennie van Coller, oor die vingers getik oor opmerkings wat Van Coller in die pers oor sogenaamde randfigure gemaak het. Dit het uiteindelik tot Van Coller se bedanking gelei.
Sien ook die bladsy Persoonsname.

Die Franse leenwoord "avant-garde" beteken letterlik 'voorste linie' en het oorspronklik verwys na die soldate wat voorgeloop het in ʼn geveg. Omstreeks 1910 is dit in Engels gebruik om na kunstenaars te verwys wat voor hulle tyd is; sedert 1925 word dit ook as 'n adjektief gebruik. (Bron: Etymonline)

Sien ook die bladsy Vreemde woorde.