Die woorde "dank", "denk", "dink" en "dunk" is almal verwant maar het verskillende betekenisse. Die woord "dank" beteken 'waardering' of as werkwoord 'om dank te betuig'. Die woord "denk" word nie meer in moderne Afrikaans gebruik nie behalwe in afleidings soos "denker" - 'iemand wat dink'. Die woord "dink" is die werkwoord wat min of meer 'besluit' beteken. Die woord "dunk" is 'n sinoniem vir 'mening'.
Bron: HAT6
Sien ook die bladsy Twyfelwoorde (mits vs tensy).

Woorde wat met "be-", "ge-", "her-", "er-", "ont-" en "ver-" begin ("vergewe"), kry nie ʼn "ge-" in die verlede tyd nie (AWS 17.1).
Sien ook die bladsy Verlede tyd.

Intensiewe vorme is byvoeglike naamwoorde en word vas geskryf, behalwe "wawyd oop".
Kyk ook: https://af.wikipedia.org/wiki/Intensiewe.
Sien ook die bladsy Intensiewe vorme.

'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word. Skeibare werkwoorde kry "-ge-" in die verlede tyd, byvoorbeeld "afgaan - afgegaan".
Sien ook die bladsy Woordsoorte.