'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word. Sommige woorde, soos "verteenwoordig", kry egter nie 'n "ge-" vooraan nie.
Sien ook die bladsy Woordsoorte.

ʼn Samestelling (“litteken”) is ʼn woord wat uit twee of meer woorddele (“lit” en “teken”) bestaan. Samestellings moet vas geskryf word.
Sien ook die bladsy Samestellings.

Die AWS erken "matriek" of "matrikulant" of "matriekleerling" (en dus "matriekleerder") as wisselvorme om te verwys na iemand in sy/haar laaste skooljaar.
Sien ook die bladsy Meervoudsvorme.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie.
'n Mens studeer "in" 'n vakgebied en is 'n professor "in" 'n vakgebied.
Sien ook die bladsy Kollokasies.