Die woorde "minimum" en "maksimum" word meestal as byvoeglike naamwoorde gebruik en dus los van die daaropvolgende naamwoord geskryf. Byvoorbeeld "minimum loon, maksimum snelheid". Dit word slegs as selfstandige naamwoord gebruik wanneer dit nie as 'n samestelling gebruik word nie en 'n lidwoord voorafgaan. Byvoorbeeld, "Ons moet besteding tot die minimum beperk".
Bronne: HAT6
Sien ook die bladsy Woordsoorte.

In 'n sin met 'n voorwerp is die werkwoord oorganklik, byvoorbeeld: Die regter voltrek die vonnis. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik.
Sien ook die bladsy Woordsoorte.

Die intensiewe vorme van "blind" sluit in "stekeblind", "steekblind" en "stokblind". "Steekblind" is ʼn volksetimologiese vervorming van "stokblind". (Bron: Groot Woordeboek; Etimologiewoordeboek van Afrikaans)

Sien ook die bladsy Intensiewe vorme.

By straatname wat met 'n syfer begin, begin die tweede deel met 'n hoofletter. Die agtervoegsel "-ste" en "-e" is albei korrek.
Sien ook die bladsy Plekname.