'n Bywoord beskryf die werkwoord of 'n byvoeglike naamwoord. 'n Mens kan bepaal of 'n woord 'n bywoord is deur te kyk of die woord die vraag "Hoe?" van die werkwoord of adjektief beantwoord, byvoorbeeld: Hoe is die tafel versier? Die antwoord: ryklik.
Sien ook die bladsy Woordsoorte.

Kleuradjektiewe word los van selfstandige naamwoorde geskryf, behalwe in gevalle van samestellende samestellings of samestellende afleidings. As 'n item uit twee kleure bestaan, word die kleuradjektiewe met koppeltekens en 'n "en" geskryf, byvoorbeeld "swart-en-wit foto" of "blou-en-rooi rok". Skakerings word wel vas geskryf, soos "granaatrooi gordyne" of "grysblou lug".

Sien ook die bladsy Samestellings.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “aanmatigend”, die vergrotende trap, byvoorbeeld “meer aanmatigend” en die oortreffende trap, byvoorbeeld “mees aanmatigend”.
Sien ook die bladsy Trappe van vergelyking.

Dieregeluide is werkwoorde wat gebruik word om geluide wat diere maak te beskryf. Insekte "tjir", voëls "tjirp" en slange "sis". Sien ook: http://af.wikipedia.org/wiki/Dieregeluide.
Sien ook die bladsy Dieregeluide.