ʼn Homoniem is twee woorde wat dieselfde klink en dieselfde gespel word, maar heeltemal ʼn ander betekenis en oorsprong het, byvoorbeeld “gas” (‘'n stof soos lug’) en “gas” (‘iemand wat 'n mens besoek’).
Sien ook die bladsy Homonieme.

Volgens HAT kan die trappe van vergelyking van die woord "ongepoets" op twee maniere gevorm word - "ongepoets, meer ongepoets, die mees ongepoetste" of "ongepoets, ongepoetser, die ongepoetsste".
Sien ook die bladsy Trappe van vergelyking.

By meerledige geografiese name, hetsy los of met 'n koppelteken vas geskryf, begin elke deel van die naam met 'n hoofletter.
Sien ook die bladsy Slegs hoofletter.

In 'n sin met 'n voorwerp is die werkwoord oorganklik, byvoorbeeld: Die bankrowers kaap 'n motor. 'n Mens kan dit vasstel as daar 'n antwoord op die vraag "Wat?" na die werkwoord is. Indien die sin nie 'n voorwerp het nie, is die werkwoord onoorganklik, byvoorbeeld: Die bankrowers kaap oral waar hulle gaan. 'n Mens kan dit maklik vasstel as daar 'n antwoord op die vraag "Hoe?" na die werkwoord is.
Sien ook die bladsy Woordsoorte.