Oorronding kan dikwels lei tot verkeerde spelling, aangesien ons in Afrikaans meestal woorde spel soos ons dit uitspreek. Oorronding is 'n verskynsel wanneer mense woorde uitspreek met geronde lippe, waar dit nie nodig is nie.
"kleurtjies" is kleure -'wit', 'rooi', ensovoorts.
"kleertjies" is drag vir kinders.
Sien ook die bladsy Ont-/oorronding.

Woorde wat op 'n "f" eindig se meervoude word gewoonlik deur die toevoeging van 'n "-e" gevorm, terwyl die "f" 'n "w" word. Enkele uitsonderings bestaan egter waar die meervoud eenvoudig deur die toevoeging van óf 'n "-s" (bv. "sjefs" en "neefs"), óf 'n "-e" (bv. "nimfe" en "triomfe") gevorm word. Die meervoud van die telwoord "twaalf" kan sowel "twaalwe" as "twaalfs" wees.

Sien ook die bladsy Meervoudsvorme.

Indien plekname die element "se" bevat en die dele los geskryf word, begin die laaste komponent ook met 'n hoofletter.
Sien ook die bladsy Slegs kleinletter.

Met Afrikataalleenwoorde word die spelling soms verafrikaans, soos in hierdie geval.
Sien ook die bladsy Afrikataalleenwoorde.