Vreemde woorde wat verafrikaans word, word volgens die gewone Afrikaanse taalreëls gespel. Die woord "sjokolade" is oorspronklik uit Spaans afkomstig.
Sien ook die bladsy Verafrikaanste woorde.

Woorde wat op "ng" en ’n beklemtoonde lettergreep eindig, kry "-etjie" in die verkleiningsvorm (AWS 15.8). Hoewel die klem op die eerste lettergreep van "kleintongetjie" val, is die reël van toepassing op die oorspronklike stam "tong".
Sien ook die bladsy Verkleiningsvorme.

Die uitdrukking "iets is ’n turksvy" beteken ‘iets is ’n probleem’. Die Engelse weergawe van hierdie uitdrukking is, ‘it is a tricky matter’. (Bron: Spreekwoorde - Anton Prinsloo)
Sien ook die bladsy Idiome, spreuke en spreekwoorde.

'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word. Skeibare werkwoorde vorm die verlede tyd met "-ge-", byvoorbeeld "instort - ingestort".
Sien ook die bladsy Woordsoorte.