Sommige woorde lyk eners maar word verskillend gebruik, soos "dokter - doktor", “tewens – trouens” en “mits – tensy”. ʼn Mens moet gewoon hierdie woorde leer.
Die woord "dokter" verwys na 'n 'mediese dokter' teenoor "doktor" wat na 'die hoogste akademiese graad' verwys.
(Bron: HAT)
Sien ook die bladsy Twyfelwoorde (mits vs tensy).

"Sigself" is 'n wederkerende voornaamwoord, soos "homself" of "myself". Dit is egter geslagsneutraal en sou in kontekste soos die volgende gebruik kon word: "'n Gebruiker moet sigself vergewis van die bepalings en voorwaardes." Dit is egter meer gebruiklik in Afrikaans om te skryf: "'n Gebruiker moet homself...", aangesien die verstekgeslag in die Afrikaanse grammatika manlik is.
Sien ook die bladsy Kollokasies.

Samestellende samestellings word vas geskryf en bestaan tipies uit 'n woordgroep (byvoeglike naamwoord + selfstandige naamwoord) en 'n selfstandige naamwoord.
https://af.wikipedia.org/wiki/Dro%C3%ABlandboerdery
Sien ook die bladsy Samestellings.

'n Werkwoord benoem die aksie of proses in 'n sin.
Sien ook die bladsy Woordsoorte.