Die oortreffende trap van 'n woord wat eindig op die letter "g" word gevorm deur die letters "ste" agteraan die woord te voeg. "Lustig" beteken 'lus vir', terwyl "listig" 'skelm' beteken.
Sien ook die bladsy Trappe van vergelyking.

Die woord "belde" is die meervoud van sowel "belt" (die oorspronklike Engelse leenwoord) as "beld" (die eweneens aanvaarde verafrikaanste weergawe daarvan). Klankverwarring kom dikwels voor tussen "t" en "d" aan die einde van 'n woord, aangesien albei in Afrikaans as stemloos (d.w.s. as [t]) uitgespreek word. Deur te luister na die verboë vorm van so 'n woord (byvoorbeeld die meervoud), kan normaalweg bepaal word of dit met 'n "t" of 'n "d" gespel moet word. Beide die enkelvoudsvorme "belt" en "beld" word egter in hierdie uitsonderlike geval aanvaar.
Sien ook die bladsy Klankverwarring.

By samestellende samestellings, byvoorbeeld "laekoolhidraatdieet", kom daar nie 'n koppelteken tussen die byvoeglike naamwoord en die selfstandige naamwoord nie (AWS 12.6). As 'n mens die woorde "en", "of", "per", "tot", "tussen" of "van" kon gebruik, word die deel waar die woord sou inkom met 'n koppelteken vas geskryf (AWS 12.7).
Sien ook die bladsy Koppeltekens.

Die woord "kwesbaar" verwys na iets 'wat maklik beskadig kan word'; die woord "tref" beteken 'raak', gewoonlik deur te skiet of te slaan. As iets "trefbaar" is, kan dit dus "geskiet" of "geslaan" word. Die woord "breekbaar" verwys na iets wat maklik kan breek, byvoorbeeld glas. Die woord "broos" is 'n sinoniem vir "breekbaar" hoewel dit meetstal figuurlik gebruik word, byvoorbeeld: Haar hart is broos ná die verlies van haar geliefde.
(Bron: HAT)
Sien ook die bladsy Twyfelwoorde (mits vs tensy).