Soms word woorde van vreemde herkoms net gedeeltelik verafrikaans, byvoorbeeld “abakus”, “hidroulies” en “kwadrupleeg”. Die woord "abakus" kom van die Latynse "abacus" wat 'pronktafel, buffet, rekenbord' beteken.
Bron: etymologiebank.nl
Sien ook die bladsy Tussenklas.

Die woorddeel "reuse-" is nie 'n byvoeglike naamwoord nie, maar eerder 'n woorddeel van 'n selfstandige naamwoord. Om dit te bewys kan ons sien dat "reuse-" nie in die toets van 'n byvoeglike naamwoord val nie in die sin dat dit nie na 'n koppelwerkwoord kan staan nie. Byvoorbeeld, 'n mens kan nie sê die fout is "reuse" nie. Dit het ook nie trappe van vergelyking nie.

Sien ook die bladsy Woordsoorte.

Trappe van vergelyking volg gewoonlik ’n gevestigde patroon: Daar is die stellende trap, byvoorbeeld “snel”, die vergrotende trap, byvoorbeeld “sneller” en die oortreffende trap, byvoorbeeld “die snelste”.
Sien ook die bladsy Trappe van vergelyking.

Kollokasies is woordkombinasies wat dikwels saam gebruik word, maar nie vaste uitdrukkings is nie, omdat die woorde se afsonderlike betekenis nie verander nie. Iemand (iets) word "in" of "na" veiligheid gebring, maar iets kan "met" veiligheid gedoen word.
(Bron: Voorsetselwoordeboek)
Sien ook die bladsy Kollokasies.