'n Werkwoord benoem die aksie of proses in 'n sin. Een manier om vas te stel of 'n woord 'n werkwoord is, is om te kyk of daar 'n verledetydsvorm van die woord bestaan, wat gewoonlik met "ge-" aangedui word. Skeibare werkwoorde vorm die verlede tyd met "-ge-", byvoorbeeld "uitkoop - uitgekoop".
Sien ook die bladsy Woordsoorte.

Die woorde "privaat" of "private" is byvoeglike naamwoorde en vorm dus met 'n enkele selfstandige naamwoord nie 'n samestelling nie, byvoorbeeld "privaat hospitaal", "privaat skool", "privaat sak". Die woord "privaatreg" is egter 'n uitsondering.
Sien ook die bladsy Samestellings.

Wanneer daar na 'n finansiële saak verwys word, kan "gevriesde" gebruik word, maar die voltooide deelwoord "bevrore" is meer aanvaarbaar wanneer na kos verwys word.
Sien ook die bladsy Deelwoorde.

Ape babbel, henne kekkel en ganse gaggel (of blaas). As dit gaan oor mense wat gesels, kan jy ook sê hulle babbel of klets. (Bron: Die Afrikaanse Makro Gids - I Uys)

Sien ook die bladsy Dieregeluide.