3838 aktiewe gebruikers

Teken aan
Registreer

Na mobiele weergawe


Antwoorde van 17-10-2019 (vlak 2)



vorige toets 17 OKT Geen volgende toets beskikbaar nie
(klik op 'n pyltjie om na 'n ander datum te blaai)


Die deelnemers op vlak 2 het die toets van 17-10-2019 só ingevul:



Rusland is die land met die grootste ........ ter wêreld.


24 % (afgerond)oppervlakte 
opervlakte
9 % (afgerond)oppervlak
66 % (afgerond)oppervlak of oppervlakte

Die woorde "oppervlak" en "oppervlakte" is eintlik nie sinoniem nie, maar in die praktyk word hulle maar baie oor­vleuelend gebruik. "Oppervlak" verwys na die boonste vlak; die oppervlak van iets kan dus grof of glad of vuil of onstuimig of blink of sag of so iets wees. Daarenteen is "oppervlakte" ’n grootte wat aangedui kan word deur ’n maatwoord, soos vierkante meter of morg of hektaar. Dus: Die oppervlak van die dam is vanoggend so glad soos ’n spieël, maar Die oppervlakte van die dam is ongeveer 10 vier­kante kilometer.
Sien ook die bladsy Twyfelwoorde (mits vs tensy).




Woestyne is van die ........ plekke op die aarde.


81 % (afgerond)mees verlate 
3 % (afgerond)mees verlaatste
16 % (afgerond)verlaatste

In die oortreffende trap word die woord "mees" nooit saam met "-ste" gebruik nie.
Sien ook die bladsy Trappe van vergelyking.




Die nuwe musiekvideo van ........ is nogal opspraakwekkend.


84 % (afgerond)Lady Gaga 
1 % (afgerond)lady gaga
15 % (afgerond)Lady Gagga
Lady Gogga

Alle soorte eiename begin met 'n hoofletter. Aanspreekvorme begin gewoonlik met kleinletters ("Geagte lady Anne"), maar in hierdie geval is "Lady Gaga" die naam van die kunstenaar (net soos "Lady Antebellum").
Sien ook die bladsy Persoonsname.




Die weer het oornag skielik verander.
Wat is die woordsoort van "oornag" in bostaande sin?



30 % (afgerond)byvoeglike naamwoord
58 % (afgerond)bywoord 
4 % (afgerond)voegwoord
9 % (afgerond)voornaamwoord

'n Bywoord modifiseer die werkwoord of 'n byvoeglike naamwoord. 'n Mens kan bepaal of 'n woord 'n bywoord is deur te kyk of die woord die vraag "Hoe?" van die werkwoord of adjektief beantwoord, byvoorbeeld: Hoe het die weer skielik verander? Die antwoord: oornag.
Sien ook die bladsy Woordsoorte.




TOTAALRESULTAAT:
62% korrek

Verduideliking van die kleure en simbole:
KORREK GEKIESdie korrekte antwoord (deur jou gekies)
DIE KORREKTE ANTWOORDdie korrekte antwoord (nie deur jou gekies nie)
VERKEERD GEKIES'n verkeerde antwoord (deur jou gekies)
Verkeerd.'n verkeerde antwoord (nie deur jou gekies nie)






  


© 2013 Beter Afrikaans is 'n gesamentlike onderneming tussen die ATKV, VivA en Martin van Toll Producties